SnaG17: Lá 3, imeachtaí agus pictiúir

Beidh imeachtaí ar siúl i Rann na Feirste, Iorras, na Solláin, Inis agus an Srath Bán inniu. Seo rogha Tuairisc.ie d’imeachtaí na féile…

SnaG17: Lá 3, imeachtaí agus pictiúir

Tá Seachtain na Gaeilge faoi lánseol, féile idirnáisiúnta Gaeilge a dhéanann ceiliúradh ar an teanga, a stair, agus a todhchaí. Beidh imeachtaí ar siúl ag eagraíochtaí, comhlachtaí, cumainn agus daoine aonair ar fud na cruinne leis an nGaeilge a cheiliúradh as seo go Lá Fhéile Pádraig.

Tá clúdach speisialta ar Tuairisc.ie dírithe ar an bhféile agus foilseofar gailearaithe, scéalta agus ár rogha imeachtaí i gcaitheamh Sheachtain na Gaeilge. Is é ‘Seachtain na Gaeilge’, nó #SnaG17, an téama a bheidh ag sraith ghrianghraf Tuairisc.ie, Pictiúir an Phobail (#picphobail), go ceann coicíse freisin. Cuirigí againn bhur bpictiúir!

Cúig Imeacht SnaG inniu

Ceardlann líníochta le Aidan Courtney

Áit: Leabharlann De Valera, Inis, Co. an Chláir

Am: 13.15 -15.00

Cur síos: Ceardlann líníochta bunaithe ar fhocail spéisiúla Gaeilge ag an gcartúnaí aitheanta Aidan Courtney, údar agus cartúnaí na sraithe Gaeilge Ruaille Buaille

Eolas: mailbox@clarelibrary.ie


Féile Ghaeilge Rann na Feirste 

Áit: Rann na Feirste

Am: 19.00

Cur síos: Tús oifigiúil le Seachtain na Gaeilge i Rann na Feirste. Dráma ó Scoil Oilibhéar Pluincéid agus Ceolchoirm le páistí an Chlub Óige chomh maith le dráma le Niall Mac Eamharcaigh agus Mary Aggie ina ndiaidh.

Eolas: 074 956 2222


Ionad Turas Siar

Áit: Ionad Turas Siar, Iorras, Maigh Eo

Am: Ón 10.00

Cur síos: Taispeántas mór pictiúr agus cáipéisí, caint faoi Michael Davitt, an Gorta Mór agus na mainistreacha a bhí sa cheantar fadó.

Eolas: 0876990505


Tráth na gCeist agus Oíche Cheoil

Áit: Sweeno McGinty’s, An Srath Bán, Tír Eoghain

Am: 21.00-00.30

Cur síos: Tráth na gceist agus seisiún ceol Gaelach ar an Srath Bán

Eolas: gaelphobal@btconnect.com


Ceol le ‘Sult’ sna Solláin

Áit: Bridgewater Inn, Na Solláin, Cill Dara

Am: 21.30

Cur síos: Seisiún ceoil leis an ngrúpa áitiúil ‘Sult’. Míle fáilte roimh cheoltóirí agus amhránaithe ar mhaith leo suí isteach.

Eolas: imeachtaí@sultnasollan.ie


Cúig phictiúr ó imeachtaí Sheachtain na Gaeilge